هنساعدك تتابع كل جديد وتقرأ أفضل محتوى جذاب

#المنوفية_عندها_App .. فيه ايه بقى ؟

#المنوفية_عندها_App .. فيه ايه بقى ؟

08

أغسطس

2016

المنوفية عندها أبلكيشن .. كلمة بسيطة مختصرة بروزت تعب و جهد شهور عشان لما نعمل أبلكيشن و موقع جديد للمنوفية يبقى فيهم خدمات كتير بجد .. ويبقى اسم الموقع و الأبلكيشن " اسم على مسمى فعلا " .. ( أي خدمة )

 

الأبلكيشن و الموقع حالياً فيهم 4 أقسام رئيسية " أي أوردر - أي عرض - أي مكان - أي حاجة " .. كل واحد من دول بيعمل ايه ؟ هشرح ببساطة

 

أولاً .. أي أوردر

ادخل أي أوردر هتلاقي مطاعم شبين كلها بكل تفاصيل المنيو موجودة قدامك .. المطعم اللي نفسك تاكل منه هتلاقي رقمه و عنوانه و المنيو بالتفصيل بحيث انك وقت ما تحتاج أي مطعم في أي وقت تلاقيه معاك في الأبلكيشن أو الموقع + أننا عندنا خدمة جديدة جدا " أوردر أونلاين " ودي هنبدأ نفعلها مع المطاعم بالاتفاق بيننا و بينهم ان شاء الله بحيث أنك تقدر تطلب من المطعم من الأبلكيشن من غير ما تتصل بيهم .. وأول ما نتفق مع مطعم هنعلن على طول ان شاء الله

 

ثانياً .. أي عرض

وهنا لما هتدخل على أي عرض .. هتلاقي عروض المحلات عاملاها مخصوص لعملاء أي خدمة اللي منزلين الموبايل أبلكيشن بس .. وطريقة استفادتك بالعرض بسيطة

1- هتفتح الأبلكيشن تشوف العروض اللي موجودة و تشوف المحل اللي هتروحه عشان تستفيد بالعرض من عنده

2- هتروح المحل و تشتري اللي في العرض و هتلاقي جنب الكاشير ورقة عليها كيو آر كود خاص بأي خدمة 

3- هتفتح الأبلكيشن و تعمل سكان للكيو آر كود عشان تستفيد بالعرض

4- مسئول المكان هيدخلك باسوورد خاص بالعرض عشان يأكد عملية استفادتك بالعرض

5- لما المسئول يدخل الباسوورد و أنت تكون استفدت بالعرض هيتضاف لرصيدك عندنا نقطة و كل ما تجمع 100 نقطة تبدلهم بهدية من أي خدمة

وبكده يكون كل الناس استفادت ( حضرتك - وصاحب المحل - و أي خدمة كمان ;) - وأنت تاني بتجميع النقط )

 

ثالثا .. أي مكان

في أي مكان هتقدر تدخل تعمل بحث بإسم المكان اللي عايز تعرف بياناته سواء كان محل أو عيادة أو حرفيين أو أي مكان .. يعني هتلاقي كل البيانات ان شاء الله و لو أنت عندك مكان و مش متضاف على الموقع هتقدر تدخل بنفسك وتدخل البيانات بتاعت المكان بنفسك من خلال خانة ( اضافة مكان )

 

رابعاً .. أي حاجة

أي حاجة دي بقى .. الحاجة الكبيرة اللي هتقدر تخدم ناس كتييير أوي ان شاء الله .. ازاي ؟؟

في أي حاجة هتلاقي أربع أقسام " عقارات - سيارات - وظائف - أي حاجة تانية "

في كل قسم منهم في قسمين .. معروض و مطلوب

وهنا حضرتك اللي بتضيف البيانات بنفسك .. ناخد مثال على العقارات

هتدخل على عقارات و تعمل اضافة خدمة وتضيف مثلاً الشقة اللي عندك اللي عايز تأجرها و تدخل كل بياناتها وبياناتك في قسم ( معروض ) بحيث أن أي واحد تاني يقدر يدخل يعمل بحث ويلاقي شقتك فيتصل بحضرتك ويأجرها .. كذلك العكس .. ممكن واحد يكون عايز يشتري أرض فيدخل يكتب في قسم ( مطلوب ) بحيث أن البيانات هتظهر أن في حد عايز يشتري أرض بالمواصفات اللي حضرتك ضيفتها ولو حد عنده أرض يقدر يتصل بيك

ودا كده في السيارات و الوظائف و أي حاجة تانية 

 

يعني هتقدر تبيع وتشتري أي حاجة و كمان لو عايز تشتغل أو عندك وظيفة فاضية في شركتك هتقدر تلاقي في الموقع مكان يخدمك 

.

أتمنى أكون قدرت أشرح تفاصيل الموقع اللي تعبنا فيه جداً عشان نقدر نخدمكم بيه صح الصح ان شاء الله

حمل الأبلكيشن دلوقتي من على الأندرويد
https://goo.gl/nAw7rC
 

#أي_خدمة .. #حياتك_أسهل

المقالات الشائعة

مقال بسيط عن اليوم العالمي للمرأه يوم 8 مارس من...

التاريخ : 08-03-2017
المزيد

شرح بسيط لموقع و أبلكيشن أي خدمة الخاص بالمنوفية و...

التاريخ : 08-08-2016
المزيد
الكلمات المفتاحية
css